Եսենտուկիում

Եսենտուկիում

Թեմա՝  Կերպարվեստ Ենթաթեմա՝  Գեղանկար Տեսակ/ժանր՝  Այլ Թանգարան՝  Երվանդ Քոչարի թանգարան Նկարագրություն ՝  Բացօթյա սրճարան: Առաջին պլանում երկու երկարաբուն ծառ՝ վերին հատվածում սաղարթով: Ծառերի տակ՝ սեղաններ՝ ոճավորված «Տ»-աձև նախշերով, վիեննական աթոռներ: Ձախից ծառի բնի վերևի մասում ուղղանկյունաձև ցուցակ «5»թվանշանով: Երկրորդ պլանում՝ սեղանի մոտ դեմ դիմաց նստած կին և տղամարդ: Տղամարդը պատկերված թիկունքից, մուգ կանաչավուն պիջակով, օձիքը՝ սպիտակ, արևահար ծոծրակով՝ սև մազերով, գլխարկով, երևացող աջ ականջով ու այտով: Կինը՝ գեր, կարճ մազերով, վարդագույն գլխարկով: Զգեստը լայն լանջաբացվածքով, կապույտ, երկարափեշ: Դեմքը՝ կլոր, ընդհանրացված գույներով, աչքերն ու բերանը՝ արտահայտված գծիկներով: Հետին պլանում՝ աջից, կանգնած բարձրահասակ տղամարդ, ձախ ուսին դեղնանարնջագույն կտոր գցած, գլխարկով, մուգ գույնի կոստյումով, թիթեռնիկով, սպիտակ վերնաշապիկով: Նրանից ձախ՝ ծառերի բների մոտ, բաց կանաչ գույնի նստարան, սաղարթի շերտ՝ պատկերված կանաչի բազմաթիվ երանգներով: Անստորագիր: Հեղինակ՝  Երվանդ Քոչար /1899 - 1979/ Ստեղծման/Արտադրման վայրը՝  Թիֆլիս Ստեղծման/Արտադրման ժամանակը՝  1918 Նյութը՝  Կտավ, յուղաներկ Չափս՝  26,7 x 31 Պահպանման վայր՝  Հայաստանի Հանրապետություն Շիֆր՝  ԵՔԹ Հիմնական հաշվառանիշ՝  ԵՔԹ - 2 Բաժնեհաշվառանիշ՝  Գ.Ֆ. - 2
Թանգարանի այլ ցուցանմուշներ (բոլորը)
Սպասիր մի քիչ Երվանդ Քոչարի թանգարան Գրքույկ Երվանդ Քոչարի անհատա... Երվանդ Քոչարի թանգարան Խմբանկար Այստեղ Երվանդ Քոչարն... Երվանդ Քոչարի թանգարան Հոդված Կերպարվեստի գանձարան... Երվանդ Քոչարի թանգարան Հոդված Ցավակցական հեռագիր Վ... Երվանդ Քոչարի թանգարան Հեռագիր Երևան /տուրիստական ս... Երվանդ Քոչարի թանգարան Քարտեզ