Գորգ «Խնձորեսկ»

Գորգ «Խնձորեսկ»

Թեմա՝  Գործվածք Ենթաթեմա՝  Հաստոցագործ ավարտուն իրեր/պարագաներ Տեսակ/ժանր՝  Գորգ Թանգարան՝  Երևան քաղաքի պատմության թանգարան Նկարագրություն ՝  Գորգ «Խնձորեսկ»- դաշտը՝ ուղղանկյուն, հիմնագույնը՝ մուգ կարմիր: Բազմանիստ, երկու նույնատիպ հորինվածքով: Հորինվածքը զարդանախշված է կեռխաչերով, ոճավորված է վիշապապատկերներով: Կենտրոնում, քառանկյան մեջ դարձյալ կեռխաչեր են պատկերված: Բազմանիստ հորինվածքը լրացված է տարբեր անկյուններում գործված փոքր շեղանկյուններով: Քառանկյան ծայրերից դուրս են գալիս արծվի փետուր հիշեցնող ոճավորված ճառագայթներ: Հորինվածքի հիմնական գույներն են՝ դարչնագույն, վարդագույն, նարնջագույն, բաց կանաչ: Դաշտի առանձին անկյուններում հորինվածքից դուրս կան ծաղկաթերթիկներ: Դաշտի կենտրոնական հատվածում, գոտու մոտ գրված է 1942 թվականը: Եզրագոտին եռաշարք է. երկուսը՝ նեղ, մեկը՝ լայն: Երկու նեղ գոտիների վրա ոճավորված բուսական զարդանախշ է, իսկ կենտրոնի վրա համաչափ կրկնվող, իրար հանդիպակաց ատամնավոր զարդանախշեր են: Եզրագոտու գույներն են՝ կարմիր, սև, շագանակագույն: Գույները՝ բնական և արհեստական: Նյութը՝  բուրդ, բամբակ Ստեղծման/Արտադրման վայրը՝  Զանգեզուր Ստեղծման/Արտադրման ժամանակը՝  1942 թ. Չափս՝  220 x 130 սմ Պահպանման վայր՝  Հայաստանի Հանրապետություն Շիֆր՝  ԵՔՊԹ Հիմնական հաշվառանիշ՝  ՄՄ 1771-6
Թանգարանի այլ ցուցանմուշներ (բոլորը)
«Երևան քաղաքի զինանշ... Երևան քաղաքի պատմության թանգարան Պատմական Ափսե Երևան քաղաքի պատմության թանգարան Այլ Ֆուլուս (պղնձե դրամ)... Երևան քաղաքի պատմության թանգարան Մետաղադրամ Գործվածք Երևան քաղաքի պատմության թանգարան Այլ Կրծքանշան «ՍՍՀՄ կազմ... Երևան քաղաքի պատմության թանգարան Կրծքանշան Բիզ Երևան քաղաքի պատմության թանգարան Այլ