Գեներալ Ռադկոի կյանքն ու մահը

Գեներալ Ռադկոի կյանքն ու մահը

Թեմա՝  Կերպարվեստ Ենթաթեմա՝  Կերպարվեստի ժամանակակից այլ ձևեր Տեսակ/ժանր՝  Կոլաժ Թանգարան՝  Սերգեյ Փարաջանովի թանգարան Նկարագրություն ՝  Կոլաժը հավաքված է փայտե արկղիկի մեջ, որի արտաքին "կափարիչը" սեւ ոսկյա երիզով ապակիով շրջանակ է: Ուղղահայաց կոմպոզիցիայի կենտրոնում դրված է գեներալ Ռադկոյի ընտանեկան լուսանկարը, որին փակցված է Գեորգիյան խաչ շքանշան: Լուսանկարի աջ եւ ձախ կողմերում սովետական ուսադիրներ են, որոնք շրջանակված են սեւ եւ սպիտակ դոմինոյի քարերով: Լուսանկարից անմիջապես ներքեւ կանաչ շղարշի վրա ամրացված է արույրից պատրաստված Ռուսիայի գերբը: Գերբի աջ եւ ձախ կողմերում ամրացված են 1918թ. 100 եւ 25 ռուբլիանոց թղթադրամներ: Գերբի ստորին եւ լուսանկարի վերեւի մասում շարքով ամրացված են հին խաղաթղթեր: Լուսանկարը երկու կողմից զարդարված է արհեստական ծաղիկներով, նույն ծաղիկները, ինչպես նաեւ վեց փոքրիկ նռներ դրված են կոլաժի ներքեւի մասում: Կոլաժի վերեւի մասում կպցված է 18-րդ դարի լիտոգրաֆիայի վերատպություն, որը բաշանված է խաղաթղթերից կանաչ եւ սեւ բավթայով: Բավթայի ուղղահայաց կտորների ծայրին ամրացված են մետաղաթել ծոպեր, ըստ երեւույթին, սպայական համազգեստից: Կոլաժի վերեւի մասում ամրացված է ոճավորված քնարի մետաղյա խորհրդանիշ, որից եւ կախված է բրոնզյա զանգ: Կոլաժում օգտագործված են նաեւ հին ժամացույցների հինգ թվատախտակ եւ մարգարտանման ուլունքներ: Ապակուն ամրացված է ակնաբույժի ոսպնյակ: Օգտագործված առարկաները գեներալ Ռադկոյի անձնական իրերն են: Հեղինակ՝  Ս. Փարաջանով / 1924-1990 / Ստեղծման/Արտադրման ժամանակը՝  1983 Չափս՝  63 x 34 x 6 սմ Նյութը՝  փայտ, ապակի, լուսանկար, թուղթ, պլաստմասսա, նուռ, մետաղ Պահպանման վայր՝  Հայաստանի Հանրապետություն Շիֆր՝  ՍՓ Հիմնական հաշվառանիշ՝  31
Թանգարանի այլ ցուցանմուշներ (բոլորը)
Ողբ Սերգեյ Փարաջանովի թանգարան Կոլաժ Վ. Շկլովսկի, նամակ Ս... Սերգեյ Փարաջանովի թանգարան Նամակ "Նռան գույնը" ֆիլմի... Սերգեյ Փարաջանովի թանգարան Կենցաղային Գոգնոց Սերգեյ Փարաջանովի թանգարան Այլ Լուսանկար -խմբանկար Սերգեյ Փարաջանովի թանգարան Լուսանկար «Մանկության հիշողութ... Սերգեյ Փարաջանովի թանգարան Բնանկար