Սայաթ-Նովայի դիմանկարը

Սայաթ-Նովայի դիմանկարը

Թեմա՝  Կերպարվեստ Ենթաթեմա՝  Ունիկալ գրաֆիկա Տեսակ/ժանր՝  Դիմանկար Թանգարան՝  Հայաստանի ազգային պատկերասրահ Նկարագրություն ՝  Հայ անվանի գրաֆիկ նկարիչ Հրաչյա Ռուխկյանը ստեղծել է «Բոյլ Հանճարաց» շարքը՝ պատկերելով հայ մեծերին: 1945 թ., երբ նկարիչը պատերազմից տուն է վերադառնում, տեղեկանում է Սայաթ-Նովայի մահվան 150-ամյակին նվիրված դիմանկարի մրցույթի մասին և որոշում մասնակցել: Սայաթ-Նովայի մեղեդիները նկարիչը լսել էր դեռևս մանուկ հասակում, երբ մայրը երգում էր երեխաների համար: Հայտնի բանաստեղծ-աշուղի արտաքնին վերաբերող կցկտուր տեղեկություններ կարելի էր քաղել հենց իր ստեղծագործություններում արված հատուկենտ հիշատակումներից՝ այլ մարդկանց նկարագրությունների հետ մեկտեղ: Սայաթ-Նովան հայտնի էր որպես ոչ բարձրահասակ գեղեցիկ տղամարդ՝ բարձր ճակատով, գեղեցիկ դիմագծերով, կրակոտ հայացքով: Ազնիվ, «ռամիկի ցավով տառապող մեկն էր, համարձակ մեկը, որին Աստված շնորհ էր տվել»: Մրցանակաբաշխության ժամանակ ժյուրիի անդամները, որոնց թվում էին Մ. Սարյանը, Ավ. Իսահակյանը, Ն. Զարյանը, միաձայն ընտրեցին Ռուխկյանի Սայաթ-Նովան: Պատմում են, որ Մայիսյան Վարդատոներից մեկի ժամանակ նկարչին են ներկայացնում Սայաթ-Նովայի ծոռան ծոռնուհուն`Աննային: Որքա՜ն մեծ է լինում ներկաների զարմանքն ու հիացմունքը, երբ նրանք նկատում են դիմանկարի և կենդանի ժառանգի ակնհայտ նմանությունը: Նյութը՝  թուղթ, կավճամատիտ, ածուխ, սանգինա Հեղինակ՝  Ռուխկյան Հրաչյա Լիպարիտի Ստեղծման/Արտադրման ժամանակը՝  1945 Պահպանման վայր՝  Հայաստանի Հանրապետություն Շիֆր՝  ՀԱՊ Հիմնական հաշվառանիշ՝  5297 Բաժնեհաշվառանիշ՝  1612
Թանգարանի այլ ցուցանմուշներ (բոլորը)
Խիզախորեն պայքարում... Հայաստանի ազգային պատկերասրահ Կենցաղային Ախթալայի բնանկար Հայաստանի ազգային պատկերասրահ Բնանկար Հանգիստ Հայաստանի ազգային պատկերասրահ Այլ Վիրավոր պարտիզանը Հայաստանի ազգային պատկերասրահ Այլ «Վարպետ Վարոս&... Հայաստանի ազգային պատկերասրահ Այլ Պրոկոպիյ Դեմյանովիչ... Հայաստանի ազգային պատկերասրահ Դիմանկար