Կաթողիկոս Ներսես Աշտարակեցու դիմանկարը

Կաթողիկոս Ներսես Աշտարակեցու դիմանկարը

Թեմա՝  Կերպարվեստ Ենթաթեմա՝  Գեղանկար Տեսակ/ժանր՝  Դիմանկար Թանգարան՝  Հայաստանի ազգային պատկերասրահ Նկարագրություն ՝  Նկարչի գլուխգործոցներից է Ներսես Աշտարակեցու դիմանկարը /1850-ական թթ./: Սևաթույր վեղարի տակից երևում է կաթողիկոսի մագաղաթյա դեմքը: Բազկաթոռին բազմած պատկառազդու ծերունու խորաթափանց հայացքը, դեմքի խորունկ ու խորը արտահայտությունը բացահայտում են իմաստուն կրոնավորի և հասարակական գործչի բարդ ներաշխարհը: Այս դիմանկարը նշանակալի երևույթ է հայ կերպարվեստի մեջ: Անկասկած այստեղից է սկիզբ առնում հոգեբանական դիմանկարի ժանրը մեզանում: Հովնաթանյանի դիմանկարներում այս ստեղծագործությունը առանձնանում է որպես իր տեսակի մեջ միակ ընդգրկուն ողբերգական կերպար: Նկարչի մեկնաբանությամբ նա մի անհատականություն է ով գիտակցում է իր հոգևոր առաքելությունը, մեծ պատասխանատվությունը իր ժողովրդի անցյալի և ներկայի համար, ուստի և խորապես տառապող: Սա մի նկար է, որն, ի դեպ հաշվի առել պատմական կոնկրետ համատեքստ: Դիմանկարի բնույթը հող է նախապատրաստում պատմական դիմանկարի զարգացման համար: 19-րդ դարի երկրորդ կեսին ժանրի այդ տարատեսակը իր զարգացումն ու շարունակությունը ստացավ Վ. Սուրենյանցի ծրագրային ստեղծագործության մեջ` Խրիմյան Հայրիկի դիմանկարում: Նյութը՝  կտավ, յուղաներկ Հեղինակ՝  Հովնաթանյան Հակոբ Մկրտումի Ստեղծման/Արտադրման ժամանակը՝  1850 Պահպանման վայր՝  Հայաստանի Հանրապետություն Շիֆր՝  ՀԱՊ Հիմնական հաշվառանիշ՝  7274 Բաժնեհաշվառանիշ՝  3300
Թանգարանի այլ ցուցանմուշներ (բոլորը)
Մարգարիտի դիմանկարը Հայաստանի ազգային պատկերասրահ Դիմանկար Գաուչոյի ընտանիքը Հայաստանի ազգային պատկերասրահ Այլ Չինական գործվածք Հայաստանի ազգային պատկերասրահ Այլ Բարեկամներ Հայաստանի ազգային պատկերասրահ Այլ Երգէսի կառուցումը Հայաստանի ազգային պատկերասրահ Այլ Շենքեր Հայաստանի ազգային պատկերասրահ Բնանկար