Ծածկոց մահճակալի կողամասի

Ծածկոց մահճակալի կողամասի

Թեմա՝  Գործվածք Ենթաթեմա՝  Ասեղնագործ իրեր/պարագաներ Տեսակ/ժանր՝  Այլ Թանգարան՝  Երևան քաղաքի պատմության թանգարան Նկարագրություն ՝  Ծածկոցը կարված է սպիտակ բամբակյա կտորից, ուղղանկյունաձև է, մի եզրն անմշակ, երեք եզրերը ծալված են ու «մերիշկա» արված: Ապա երիզված է թելքաշ եղանակով արված 3 սմ լայնությամբ խաչաձև ծաղկաթերթիկների ու հովհարաձև սյունակների հաջորդական շղթայով, որոնք 2 անկյուններում ավելի մեծ են ու ուղիղ անկյան տակ ներս թեքված: Նույն անկյուններում սպիտակ մետաքսյա թելով ուռուցիկ հարթակարով միանման ծաղկեփնջեր են ասեղնագործված, իսկ դրանց միջև ընկնող հատվածում դեպի վեր աստիճանաբար փոքրացող հարթակար ծաղկեպսակ է՝ կենտրոնում, հավասարվող եռանկյունու մեջ կտրատովի ասեղնագործությամբ արված լայն տերևներով ծաղկանախշ: Ասեղնագործել Էսթեր Սամուելյանն իր օժիտի համար: Ծնվել է 1906 թ. Կեսարիայում, ամուսնացել ու ապրել է Դամասկոսում, ապա Բեյրութում: Հետագայում ծածկոցը պահել է դուստրը՝ Սեդան, որն ապրել է Կահիրեում: Ստեղծման/Արտադրման վայրը՝  Սիրիա, Դամասկոս Ստեղծման/Արտադրման ժամանակը՝  1920-25 թթ. Նյութը՝  Բամբակ, մետաքս Չափս՝  105 x 195 սմ Նվիրատու՝  Սեդա Սամուելյան Պահպանման վայր՝  Հայաստանի Հանրապետություն Շիֆր՝  ԵՔՊԹ Հիմնական հաշվառանիշ՝  ՄՄ 17135
Թանգարանի այլ ցուցանմուշներ (բոլորը)
Ռադիոընդունիչ Երևան քաղաքի պատմության թանգարան Այլ Սեղան Երևան քաղաքի պատմության թանգարան Սեղան Կճուճ Երևան քաղաքի պատմության թանգարան Կճուճ «Ժայռ» ներկայացում Երևան քաղաքի պատմության թանգարան Ազդագիր Անոթի բեկոր Երևան քաղաքի պատմության թանգարան Այլ «Ինքնագործ երգչախմբե... Երևան քաղաքի պատմության թանգարան Ազդագիր