Ընդօրինակություն Հ. Կոջոյանի "Հայկական մունետիկ" նկարի
Թեմա՝
Կերպարվեստ
Ենթաթեմա՝
Ունիկալ գրաֆիկա
Տեսակ/ժանր՝
Այլ
Թանգարան՝ Հայաստանի ազգային պատկերասրահՆկարագրություն ՝
Ազգային պատկերասրահի մշտական ցուցադրությունում ներկայացված է 20-րդ դարի հայկական կերպարվեստի պատմության մեջ գրաֆիկայի լավագույն նմուշներից մեկը` Հակոբ Կոջոյանի «Հայկական մունետիկը»:
Հարուստ զարդանախշով ֆոնին ձուլվող մարդկային կերպարը՝ հերոլդը կամ մունետիկը, արքունի կարևոր պաշտոններից մեկն էր զբաղեցնում: Մունետիկը հիմնականում կատարում էր արքայական լրաբերի դերը և հաճախ գտնվում էր երկրի կարևոր իրադարձությունների, փոփոխությունների կիզակետում: Հայ պալատականների հանդերձանքի մասին տեղեկանում ենք ինչպես պատմիչների նկարագրություններից, այնպես էլ հնագույն դրամների և միջնադարյան մատյանների պատկերներից: Օգտագործելով հայկական հերալդիկ խորհրդաբանության, մանրանկարչության, ինչպես նաև ոսկերչության բնագավառներում ունեցած հարուստ գիտելիքները` Կոջոյանը ստեղծել է ընդհանրացված սիմվոլիկ կերպար: Մունետիկը կրում է պալատականներին հատուկ երկարաճիտ զարդանախշ կոշիկներ` մույկեր (ամբողջությամբ կարմիր զույգ մույկեր կարող էր կրել միայն արքան), կարճ պարեգոտ`գոտեվորված ոսկեզօծ քամարով, գլխին փետրազարդ ապարոշ է՝ ոսկյա կախազարդերով և երկար բազմածալ քող-թիկնոցով, ձեռքին հերոլդի կարևոր ատրիբուտն է` շեփորը, սիմվոլիկ պատկերագիր դրոշով:
Հարուստ գունային և օրնամենտալ լուծումներով փոքրաչափ ստեղծագործությունը թողնում է մոնումենտալ տպավորություն, գեղագիտական նբաճաշակ մատուցմամբ պատկերացում տալիս վաղ անցյալում հայոց ազնվականների հանդերձանքի մասին:
Նյութը՝ թուղթ, տուշ, ջրաներկՀեղինակ՝ Ընդօրինակող` Բաղդասարյան Վարդգես ԽաչատուրիՍտեղծման/Արտադրման ժամանակը՝ 1921Պահպանման վայր՝
Հայաստանի Հանրապետություն
Շիֆր՝
ՀԱՊ
Հիմնական հաշվառանիշ՝
13326
Բաժնեհաշվառանիշ՝
2055