Դարբինյանների տոհմի անվանացանկ /գրքի էջերից պատճենի տեսքով կազմված/

Դարբինյանների տոհմի անվանացանկ /գրքի էջերից պատճենի տեսքով կազմված/

Թեմա՝  Գրական, երաժշտական, թատերական, կինո և այլ հաղորդակցման միջոցներ Ենթաթեմա՝  Փաստաթղթեր Տեսակ/ժանր՝  Այլ Թանգարան՝  Սարդարապատի հուշահամալիր. Հայոց ազգագրության և ազատագրական պայքարի պատմության ազգային թանգարան Նկարագրություն ՝  Առարկայի նկարագրություն- Բաց կապույտ ստվարաթղթե, երևանյան ժամանակակից ստանդարտով՝ կողը 1սմ տրամագծով սպիտակ խողովակաձև սանդղանման պլաստիկատով գրքի ձևով կազմված՝ Դարբինյանների տոհմի անվանացանկն է, որի էջերը պատճենվել են Արմենակ Տեր-Պետրոսյանի ‹‹Հուշեր›› գրքից /Թեհրան, 1974/, իսկ դրանից առաջ կցված են 1-ին էջին ‹‹Դարբինյանի տոհմը /1606-1984/›› վերնագրված իրար կից 2 թերթը, որոնց 2-րդ էջում ‹‹Դարբինյանների տոհմածառը›› վերնագրով՝ այդ տոհմածառի կազմող Միհրդատ Մարտիրոսյանի՝ 1984թ. սեպտեմբերին, Թեհրանում գրած ներածականը՝ տոհմածառի վերաբերյալ: 3-րդ էջը վերնագրված է՝ ‹‹Ամփոփ տեղեկություններ տոհմածառի առնչությամբ››, 4-րդ էջը մաքուր է: Ապա հաջորդում են ուղղանկյունաձև շրջանակների մեջ առնված, միմյանց հետ կապերը՝ կցող գծիկներով նշող, սև գույնի հայերեն մեծատառերով, թերթերի միայն 1-ին երեսին գրված անուններով անվանացանկի էջերը՝ 35 թերթ, որոնց մեջ՝ թերթերի ձախ անկյուններում եղած էջահամարների՝ 18 և 20 էջերը բացակայում են, իսկ 26, 27, 28 էջերը 2 անգամ են կրկնվում: Էջակալումը մինչև 34-րդ էջն է: Ըստ հաղորդած տեղեկությունների Դարբինյանները 1604-1606 թթ. Շահ Աբասի ժամանակ են Փարաքարից գաղթել Պարսկաստան, բնակվել են հիմնականում Թեհրանում և սկզբնական շրջանում՝ մեծ չափով՝ Պարսկաստանի Բուրվարի շրջանի 25 հայաբնակ գյուղերում: Հետագայում մի քանի փուլով շատերը ներգաղթել են Հայաստան: Ըստ հաղորդման՝ տոհմածառում տվյալները 1705 թվականից են: Տոհմի անվանացանկերում կրկնվող ‹‹Ջուլի›› անունը, ըստ նվիրատուների հայտնածի ոչ թե կնոջ անուն է, այլ՝ դրվել է տղա երեխայի վրա, այն դեպքում, երբ տվյալ ընտանիքի երեխաները փոքր հասակում մահանալիս են եղել: Այդ անվան բացատրությունն է՝ ‹‹Ջուլի›› /հին կտոր ջուլի/, քանի որ նշված դեպքում սովորություն է եղել հարևաններից հին շորեր հավաքել այն մարդու տղային հագցնելու համար, ում երեխաները մահանում էին, որպեսզի տղան չմահանար: Ստեղծման/Արտադրման վայրը՝  Թեհրան–Երևան Ստեղծման/Արտադրման ժամանակը՝  2000-ական թթ․ Նվիրատու՝  Սամվել Դարբինյան,Ավետիս Դավթյան Չափս՝  25.4*19.4 Նյութը՝  թուղթ, ստվարաթուղթ, պլաստմասսա, մետաղ Պահպանման վայր՝  Հայաստանի Հանրապետություն Պահպանող՝  Սարդարապատի հուշահամալիր. Հայոց ազգագրության և ազատագրական պայքարի պատմության ազգային թանգարան Շիֆր՝  ՀԱՊԹ Հիմնական հաշվառանիշ՝  8287 Բաժնեհաշվառանիշ՝  Փ-287
Թանգարանի այլ ցուցանմուշներ (բոլորը)
Տակդիր ջրամանի Սարդարապատի հուշահամալիր. Հայոց ա... Տակդիր Քրեղան եռոտանի Սարդարապատի հուշահամալիր. Հայոց ա... Թաս Կշռաքար Սարդարապատի հուշահամալիր. Հայոց ա... Այլ Անիի Տիգրան Հոնենց... Սարդարապատի հուշահամալիր. Հայոց ա... Ապակյա նեգատիվ Դռան զարդանախշ Սարդարապատի հուշահամալիր. Հայոց ա... Նեգատիվ Ծածկոց Սարդարապատի հուշահամալիր. Հայոց ա... Ծածկոց