Գորգ «Կոգովիտ»
Թեմա՝ Գործվածք Ենթաթեմա՝ Հաստոցագործ ավարտուն իրեր/պարագաներ Տեսակ/ժանր՝ Գորգ Թանգարան՝ Երևան քաղաքի պատմության թանգարան Նկարագրություն ՝ Դաշտի հիմնագույնը կապույտ է՝մեկ ընդհանուր սյուժեով: Կենտրոնական ուղղանկյուն երկայնաձիգ հորինվածքում համաչափ կրկնվող, խաչերով շեղանկյունիներ են, կենտրոնական մասում՝ նրանց միջև, կեռաձև զարդանախշեր: Դաշտի երկու կողմերում կարմիր ֆոնի վրա նույնատիպ զարդանախշերով, երկայնաձիգ, սրացող՝ կեռազարդ ծայրերով հորինվածքներ են: Դաշտի ստորին մասում գործված են ոճավորված մարդկային պատկերներ և օձաձևեր: Վերին մասում՝ թռչնակերպեր,՝ խաչավոր և կեռավոր զարդանախշերով: Եզրագոտիները չորսն են՝ երկու նեղը միանման, սպիտակ և վարդագույն, իրար մեջ մտած եռանկյունիներով, սրանց միջև դարչնագույն ֆոնի վրա աստղանախշեր, կեռազարդեր և թեք երկրաչափական պատկերներով գոտին է, իսկ եզրին մոտ գոտին ունի քառանկյուն և կեռաձև զարդաձևեր: Եզրային մասում գոտին ունի կապտականաչ շերտ: Խտությունը՝ 26 x 23 հանգույց Հանգույցի տիպը՝ կրկնակի Միջնաթելի քանակը և գույնը՝ 2, դարչնագույն Եզրահյուսված շարքերի քանակը և գույնը՝ 2, շագանակագույն Գույները՝ բնական, արհեստական Ձևը՝ ուղղանկյուն Հեղինակ՝ Անհայտ Լայնություն (սմ)՝ 125 Երկարություն (սմ)՝ 300 Նյութը՝ ա. հենք ՝բուրդ, միջնաթել՝ բուրդ, գ. խավ՝ բուրդ Ստեղծման/Արտադրման վայրը՝ Արմ. Հայաստան, Կոգովիտ գավառ, Բայազետ Ստեղծման/Արտադրման ժամանակը՝ 19-րդ դ. վերջ Պահպանման վայր՝ Հայաստանի Հանրապետություն Շիֆր՝ ԵՔՊԹ Հիմնական հաշվառանիշ՝ ՄՄ 3012Թանգարանի այլ ցուցանմուշներ (բոլորը)
