Գորգ
Թեմա՝ Գործվածք Ենթաթեմա՝ Հաստոցագործ ավարտուն իրեր/պարագաներ Տեսակ/ժանր՝ Գորգ Թանգարան՝ Կապանի երկրագիտական թանգարան Նկարագրություն ՝ Գորգի քառանկյուն սև դաշտի վրա երկու մեդալիոն է տեղադրված: Մեդալիոններից մեկը կարմիր դաշտով վեցանկյուն է, որի վրա իրար դեմ դիմաց մանուշակագույն ֆոնով թռչնանման և կեռերով զարդապատկերներ են, կենտրոնում ծաղիկ է՝ փոքրիկ քառանկյան մեջ: Վեցանկյունը դրսից ունի բազմաթիվ կեռավոր ելուստներ:Մյուս մեդալիոնը ունի բաց մանուշակագույն դաշտ , որի կենտրոնում 16 անկյունանի երկրաչափական մարմին է, որի չորս գագաթներից շուշանաձև ծաղիկներ են դուրս գալիս: Դրանց արանքներում խաչանման պատկերներ են և ծաղիկներ: Գորգի ընդհանուր դաշտը լցված է բազմաթիվ մանր և միջին ծաղիկներով , աստղածաղիկներով, սանդուղքաձև խաչերով, երկրաչափական մարմիններով: Գորգը ունի երեք եզրաշերտ-շրջանակ: Առաջին և երրորդ շրջանակների վրա մանրիկ զարդաձևեր են, երկրորդ շրջանակի սպիտակ դաշտի վրա մանր ծաղկաձևեր են, արանքներում՝ կարմիր քառակուսի կենտրոն ունեցող վեցանկյուններ: Գորգը շատ վատ է պահպանված, ընդհանուր մաշվածություն ունի: Հենքատեղերը բաց են ողջ մակերեսով, եզրային հյուսվածքները տեղ-տեղ վնասված են: Հեղինակ՝ Անհայտ Վարպետ՝ Անհայտ Լայնություն (սմ)՝ 108 Երկարություն (սմ)՝ 240 Նյութը՝ Բուրդ Ստեղծման/Արտադրման ժամանակը՝ 19-րդ դարի 2-րդ կես Պահպանման վայր՝ Հայաստանի Հանրապետություն Շիֆր՝ ԿԵԹ Հիմնական հաշվառանիշ՝ Մ-6548 Բաժնեհաշվառանիշ՝ Ա-1678Թանգարանի այլ ցուցանմուշներ (բոլորը)
